Akbar Tere Behna Ko Tere Yaad Satati Hai
Veeran Haweli Mein Beemar Bulati Hai
Akbar Teri Behna Ko Teri Yaad Satati Hai
Akbar Tera Wadah Tha Main Lainay Ko Aaon Ga
Bin Tere Meri Behna Sehra Na Sajaon Ga
Kaprey Teri Shadi Ke Humsheer Banati Hai
Veeran Haweli Mein Beemar Bulati Hai
Akbar Teri Behna Ko Teri Yaad Satati Hai
Khat Bhaija Na Khud Aaye Kya Baat Hoi Bhaiyya
Main Dais Mein Tanha Hoon Pardais Mein Hai Kunba
Din Mujh Ko Rolatay Hain Shab Mujh Ko Darati Hai
Veeran Haweli Mein Beemar Bulati Hai
Akbar Teri Behna Ko Teri Yaad Satati Hai
Ik Bar Jholaon Main Jhola Ali Asghar Ka
Dekha Hi Nahi Kab Se Chehra Ali Asghar Ka
Roti Hoon Nazar Meri Jab Jholay Pe Jati Hai
Veeran Haweli Mein Beemar Bulati Hai
Akbar Teri Behna Ko Teri Yaad Satati Hai
Bhaiyya Teri Sughra Ko Dharas Hai Tere Dam Se
Itna Tu Bata Jao Kyun Door Hoye Hum Se
Din Beet Gaye Kitne Ab Jan Yeh Jati Hai
Veeran Haweli Mein Beemar Bulati Hai
Akbar Teri Behna Ko Teri Yaad Satati Hai
Zakhmi Tha Tera Seena Kal Khuwab Mein Dekha Tha
Kuch Aag Ke Sholay They Jalta Howa Jhola Tha
Iss Khuwab Ki Sughra Ko Tabeer Rulati Hai
Veeran Haweli Mein Beemar Bulati Hai
Akbar Teri Behna Ko Teri Yaad Satati Hai
Beemar Shifa Paye Akbar Jo Mera Aaye
Bin Apne Maseeha Ke Ghut Ghut Ke Na Mar Jaye
Dharkan Tere Aane Ki Bas Aas Bandhati Hai
Veeran Haweli Mein Beemar Bulati Hai
Akbar Teri Behna Ko Teri Yaad Satati Hai
Abbas Chacha Tum Hi Baba Se Kaho Ja Kar
Akbar Nahi Aa Saktay Le Jao Tum Hi Aa Kar
Dam Ghutta Hai Akbar Ki Jab Yaad Satati Hai
Veeran Haweli Mein Beemar Bulati Hai
Akbar Teri Behna Ko Teri Yaad Satati Hai
Zeeshan O Raza Ka Bhi Maqbool Ho Yeh Pursa
Zindah Hai Qayamat Tak Irfan Ka Yeh Noha
Aawaz Yeh Nasir Ki Har Dil Ko Rulati Hai
Veeran Haweli Mein Beemar Bulati Hai
Akbar Teri Behna Ko Teri Yaad Satati Hai
Comment