Yeh Murtajiz Sy Kaha Jab Uqaab O Ashal Ny
Bayan Ho Kaisy Jo Manzar Dikhaye Maqtal Ny
Kiya Sawaron Py Saya Ghamon Ky Badal Ny
Hamen Rulaya Hai Har Ek Qadam Har Ek Pal Ny
Kisi Bhi Hal Mein Ho Ga Na Kam Malal Apna
Bayan Karty Hain Ek Doosry Sy Haal Apna
Sawar Kho Gaye Aur Rahwar Roty Rahy
Haye Ali Akbar Haye Ali Akbar
Yeh Ro Ke Kehny Laga Rahwar Akbar Ka
Bapa Tha Khaimon Mein Kohram Kaisa Manzar Tha
Main Jab Shabeeh E Muhammad Ko Ly Ky Ran Ko Chala
Thy Peechy Peechy Mery Badshah E Karbobala
Sada Yeh Ati Thi Kuch Dair To Ruko Akbar
Palat Palat Ky Mujhy Dekhty Raho Akbar
Sawar Kho Gaye Aur Rahwar Roty Rahy
Kaha Auqaab Ny Maidan Mein Yun Larhy Akbar
Idhar Saron Ko Urhaya Udhar Barhy Akbar
Lagi Jo Seeny Mein Barchi To Gir Gaye Akbar
Main Dekhta Hi Raha Phir Na Uth Saky Akbar
Sadayen Rony Ki Any Lagiin Madiny Sy
Jo Khainci Baap Ny Barchi Pisar Ky Seeny Sy
Sawar Kho Gaye Aur Rahwar Roty Rahy
Haye Abbas Haye Abbas
Yeh Sun Keh Ashaal E Abbas Ro Ky Kehny Laga
Uthaye Mashk O Alam Jab Chaly Mery Mola
Nazar Mein Roag Tha Haton Mein Aik Tha Naiza
Lab E Furaat Pahunch Kar Bhara Jo Mahkeeza
Woh Mujh Sy Kehty Thy Ashaal Sakina Pyasi Hai
Mujhy Khayam Mein Ly Chal Sakina Pyasi Hai
Sawar Kho Gaye Aur Rahwar Roty Rahy
Qadam Jo Mainy Barhaye To Shor Uthny Laga
Na Jaye Khaimy Mein Abbas Sab Karo Hamla
Katy Jo Hath Alam Khak Par Hua Thanda
Chidi Jo Mashk To Pani Bhi Beh Gaya Sara
Laga Jo Gurz To Phir Na Sambhal Saky Mola
Zameen Py Zeen Sy Chehry Ky Bal Giry Mola
Sawar Kho Gaye Aur Rahwar Roty Rahy
Haye Hussain Haye Hussain
Kaha Hussain Ky Rahwar Ny Yeh Roty Huye
Ghareeb E Zahra Jo Maqtal Ki Simt Jany Lagy
Kiya Tha Sani E Zahra Ny Khud Sawar Aa Ky
Kaha Hussain Ny Ay Murtajiz Barho Aagy
Qadam Main Kaisy Barhata Sakina Lipti Thi
Na Ly Ky Ja Mery Baba Ko Mujh Se Kehti Thi
Sawar Kho Gaye Aur Rahwar Roty Rahy
Main Apny Mola Ko Maqtal Mein Ly Ky Jab Pahuncha
Ajeeb Khaof Tha Dushman Py Shair E Haider Ka
Akely Pyasy Ko Lakhon Ny Mil Ky Ghair Liya
Hua Ghareeb Py Charon Taraf Sy Yun Hamla
Ho Garm Khak Ya Pthar Hon Teer Ya Naiza
Jo Jis Ky Hath Mein Aya Hussain Ko Mara
Sawar Kho Gaye Aur Rahwar Roty Rahy
Giry Zameen Py To Sayeda Ny Thaam Liya
Pahunchy Ky Shimr Ny Khanjar Galy Py Jab Rakha
Tarhap Ky Us Gharhi Zalim Sy Sayeda Ny Kaha
Na Maar Laal Mera Teen Din Ka Hai Pyasa
Sadayen Deti Rahi Maan Nahi Ruka Khanjar
Main Khak Urhata Raha Kat Gaya Hussain Ka Sar
Sawar Kho Gaye Aur Rahwar Roty Rahy
Tha Murtajiz Ka Yeh Zeeshan Aur Raza Noha
Akela Laot Ke Khaimon Mein Jab Main Aya Tha
Sakina Samjhi Keh Maqtal Sy Aa Gaye Baba
Nazar Na Aye Jo Baba To Mujh Sy Ro Ky Kaha
Hai Choor Zakhmon Sy Kiun Tu Ny Sar Jhukaya Hai
Bata Kahan Mery Baba Ko Chorh Aya Hai
Comment