Faslon Ko Takalluf Hai Humse Agar
Hum bhi be bas nahi be sahara nahi
Khood unhi ko pukarein gay hum door se
Raste mein agar paon thak jayein gay
Faslon ko takalluf hai hum se agar
Hum bhi be bas nahi be sahara nahi
Khood unhi ko pukarein gay hum door se
Raste mein agar paon thak jayein gay
Hum madine mein tanha nikal jayein gay
aur galyon mein qasdan bhatak jayein gay
Hum wahan jake wapis nahi aayein gay
dhoondte dhoondte log thak jayein gay
Jaise hi sabz gumbad nazar aaye ga
Bandagi ka qareenah badal jaye ga
Sar jhuka ne ki fursat mile gi kise
Khood hi palkon se sajde tapak jayein gay
Naam un ka jahan bhi lia jaye ga
Zikar un ka jahan bhi kia jaye ga
Noor hi noor sinon mein bhr jaye ga
sari mehfil mein jalway lapak jayein gay
Aye madine ke zair khuda ke liye
Dastan e safar mujh ko yun mat suna
Baat barh jaye gi dil tarap jaye ga
Mere mohtaat aansoo jhalak jayein gay
Un ki chashm e karam ko hai is ki khabar
Kis musafir ko hai ketna shoq safar
Hum ko Iqbal jab bhi ijazat mili
Hum bhi aaqa ke darbar tak jayein gay
Faslon ko takalluf hai hum se agar
Hum bhi be bas nahi be sahara nahi
Khood unhi ko pukarein gay hum door se
Raste mein agar paon thak jayein gay.
Comment