Haye
Tha Bayn Sakina Ka Hai Rukny Ko Mera Dill
Jata Hai Rida Cheen Ky Bey Sheer Ka Qaatil
Aasan Yeh Kar Dy Mery Bhaiya Meri Mushkil
Ary Gohar Bhi Nahi Chahiyen Na Chahiye Mehmil
Kar Dy Jo Mery Sar Ki Rida Mery Hawaly
Phir Chahe Sakina Ko Wo Jitna Bhi Sata Lay
Khanjar Sy Gala Sheh Ka Mery Samny Kaata
Pathar Tan Mazloom Py Maary Gaye Bhaiya
Zakhmon Py Magar Baba Ky Ab Rait Na Daly
Phir Chahe Sakina Ko Wo Jitna Bhi Sata Lay
Gohar Mery Cheeny Yeh Sitam Main Ny Saha Hai
Ary Khoon Mera Sitam Gaar Ky Hathon Py Laga Hai
Bas Mera Lahoo Hathon Sy Woh Apny Hata Lay
Phir Chahe Sakina Ko Wo Jitna Bhi Sata Lay
Rahwaaron Ko Tayaar Jo Karty Hain Musalman
Bhaiya Yeh Sitam Dekh Ky Mar Jayen Gi Amman
Pamaali Sy Lasha Ali Asghar Ka Bacha Ley
Phir Chahe Sakina Ko Wo Jitna Bhi Sata Lay
Karta Hai Dukhi Shah Ki Hamsheer Ko Jaisy
Ary Lehrata Hai Woh Chadar E Tatheer Ko Jaisy
Naizey Py Mery Baba Ka Sar Yun Na Uchalay
Phir Chahe Sakina Ko Wo Jitna Bhi Sata Lay
Talwaron Sy Chehry Paa Kai Zakhm Lagy Hain
Mazloom Ky Yeh Hont To Pehly Sy Katy Hain
Ab Baba Ky Honton Sy Charhi Apni Hata Lay
Phir Chahe Sakina Ko Wo Jitna Bhi Sata Lay
Ham Sy Sahi Jati Nahi Tashon Ki Aziyat
Hansty Hain Laeen Dekh Ky Ham Saron Ki Haalat
Rasty Sy Hamary Yeh Tamasha Hi Hata Lay
Phir Chahe Sakina Ko Wo Jitna Bhi Sata Lay
Main Apny Liye Chaon To Nahi Mangti Bhaiya
In Sham Ki Raahon Mein Faqat Waqt Dy Itna
Daman Sy Karun Saaf Tery Pairon Ky Chaaly
Phir Chahe Sakina Ko Wo Jitna Bhi Sata Lay
Akbar Thi Tarhap Kar Yeh Sakina Ki Sadayen
Ary Rakhta Hai Sar E Ghazi Py Behnon Ki Ridayen
Yeh Chadaren Woh Sar Sy Chacha Jaan Ky Utha Lay
Phir Chahe Sakina Ko Wo Jitna Bhi Sata Lay
Kar Dy Jo Mery Sar Ki Rida Mery Hawaly
Phir Chahe Sakina Ko Wo Jitna Bhi Sata Lay
Comment