Kiya Hai Pamaal Usko Run Mein
Hain Zakham Hi Zakham Is Badan Mein
Nahi Hai Koi Uthanay Wala
Bohat Akela Hai Iss Watan Mein
Idher Ki Sab Pslyan Udhar Hain
Udhar Ki Sab Pslyan Idher Hain
Jo Garam Reti Py Be Kafan Hai
Ghareeb E Zehra Ka Ye Badan Hai
Yeh Woh Badan Hai Ke Jiska Seena
Haan Chumtay Thy Sheh E Madina
Bhara Hai Teeron Se Haye Gurbat
Kahan Pay Soye Gi Ab Sakina
Yahi Woh Seena Hai Jis Pay Char Kar
Laiee Ne Kaata Hussain Ka Sar
Jo Garam Reti Py Be Kafan Hai
Ghareeb E Zehra Ka Ye Badan Hai
Huwi Thi Woh Jinki Ki Naal Bandi
Thy Aam Ghoron Se Aur Wazni
Jo Ghoray Doray Thay Is Badan Par
Kuchalna Unki Khasusiyat Thi
Na Jane Kistarha Maa Ne Dekha
Sumo Ke Neechay Ghareeb Beta
Jo Garam Reti Py Be Kafan Hai
Ghareeb E Zehra Ka Ye Badan Hai
Laieen Woh Bajdal Tha Naam Jiska
Sirhanay Jab Is Badan Ke Pouncha
Angothi Kistarah Louta Woh
Tha Zakhmi Hathon Mein Waram Itna
Na Utreen Zalim Se Jab Angothi
To Kaat Kar Le Gaya Woh Ungli
Jo Garam Reti Py Be Kafan Hai
Ghareeb E Zehra Ka Ye Badan Hai
Akela Lakhoon Se Zakham Khakar
Yeh Sogya Jab Sitam Athakr
Andheray Ban Mein Isi Badan Se
Behan Ne Pathar Hataye Aakar
Nah Jane Zainab Ne Kaisa Dekha
Ghareeb Bhai Ka Zakhmi Lasha
Jo Garam Reti Py Be Kafan Hai
Ghareeb E Zehra Ka Ye Badan Hai
Suron Ko Naizon Py Jab Charhaya
Sir Aik Chhota Sa Mil Nah Paaya
Laieen Ne Nezah Zamee Py Mara
To Lasha Asghar Ka Sath Aaya
Pidar Ke Zakhmi Badan Py Rakh Kar
Chalaya Nanhay Galay Py Khanjar
Jo Garam Reti Py Be Kafan Hai
Ghareeb E Zehra Ka Ye Badan Hai
Pidar Ke Seenay Py Sonay Wali
Jab Is Badan Ke Qareeb Pohanchi
Yeh Aake Shamer Laieen Ne Dekha
Pidar Se Lipti Huwi Thi Beti
Pakar Ke Balon Se Jab Choraya
Badan Zamee Par Tarap Raha Tha
Jo Garam Reti Py Be Kafan Hai
Ghareeb E Zehra Ka Ye Badan Hai
Hussain Ki Jab Lehad Py Jana
Raza O Zeeshan Yaad Rakhna
Bichi Hai Turbat Mein Ik Chitaai
Yeh Dil Ki Aankhon Se Dekh Lena
Wahein Yeh Zakhmi Badan Rakha Hai
Saghir Seenay Py So Raha Hai
Comment