Abal Fazl | Mesum Abbas Nohay 2021 | Muharram | Noha Hazrat Abbas

 

Abal Fazl Abal Fazl

Ay Qamar E Bani Hashim
Kar Nazar E Karam Hakim
Dety Hain Sada Khadim
Abbas

Tu Ibne Ali Hai
Alam Ka Wali Hai
Tu Shah Ka Lashkar
Tu Shair E Jari Hai

Qafila Salar E Haram Abal Fazl

Tum Ko Elahi Sy Yadullah Ny Manga
Beta Tumhen Kehti Hain Khud Fatima Zahra
Saye Mein Rehty Hain Tery Syed E Waala
Tu Sakina Ka Chacha Hai

Tu Shahenshah E Wafa Hai
Nasl E Ali Jaah O Hasham

Qafila Salar E Haram Abal Fazl

8 Muharram Ko Mujhy Saqqa Bana Ky
Girwi Kiya Bandh Ky Ek Dori Alam Py
Maan Ny Kiya Mola Mujhy Tery Hawaly
Chahy Dushman Ho Zamana
Tu Agar Sath Hai Mola

Toot Nahi Sakta Bharam Abalfazl Abalfazl
Qafila Salar E Haram Abal Fazl

Kis Ny Kaha Teri Ata Aam Hai Mola
Tera Sakhawat Mein Barha Naam Hai Mola
Bigrhi Bana Dena Tera Kam Hai Mola
Sary Alam Ky Nigehdar Sani E Haider E Karaar

Khas Karo Hum Py Karam Abal Fazl
Qafila Salar E Haram Abal Fazl

Hazrat E Abbas Ali Ibne Ali
Hai Dil E Hassas Ali Ibne Ali
Deen Ky Almaa Ali Ibne Ali
Rakhna Hamen Paas Ali Ibne Ali

Sani E Haider Ali Ibne Ali
Deen Ky Mehwar Ali Ibne Ali
Bazoo E Sarwar Ali Ibne Ali
Shair E Dilawar

Ishq Mera Abal Fazl
Rab E Wafa Abal Fazl
Uqda Kusha Abal Fazl
Bab E Ata Abal Fazl
Maula Mera Abal Fazl

Kiun Na Khuda Tum Ko Pukarun Main Wafa Ka
Baazu Juda Ho Gaye Kuch Bhi Nahi Bola
Zakhmi Hui Teer Sy Jab Mashk E Sakina
Ba Khuda Toot Gai Aas
Khak Par Gir Gaye Abbas
Kha Gaya Mashkeezy Ka Gham
Qafila Salar E Haram Abal Fazl

Pusht Sy Rehwar Ki Jab Aye Zameen Par
Maula Mere Tum Ny Nahi Dekha Palat Kar
Boorha Usi Pal Mein Hua Tera Biradar
Ek Qayamat Hui Barpa Aa Gaiin Dasht Mein Zahra
Shah Ki Kamar Ho Gai Kham Abal Fazl
Qafila Salar E Haram Abal Fazl

Mesum O Azlam Ye Ghazi Ki Sada Hai
Ghum Nahi Be Gor O Kafan Lasha Mera Hai
Gham Hai Barha Sar Meri Zainab Ka Khula Hai
Haan Alamdar Hai Zainab
Deen Ki Salaar Hai Zainab
Ab Na Kaho Rab Ki Qasam Abal Fazl
Qafila Salar E Haram Abal Fazl

Comment

Your email address will not be published. Required fields are marked *