Zarre jhar kar teri pezaaron key
Taaj e sar bante hain sayyaron key
Hum sey choron pey jo farmaayein karam
Khil’at e zar banein pushtaaron key
Mere Aaqa ka woh dar hay jiss par
Maathe ghiss jaate hain sardaaron key
Mere Eesa tere sadqe jaaoon
Toor be toor hay beemaaron key
Mujrimo! chashm e tabassum rakkho
Phool ban jaate hain angaaron key
Tere abru key tasadduq pyaare
Band kurre hain giriftaaron key
Jaan o dil tere qadam par waarey
kya naseebay hain tere yaaron key
Sidq o ‘adl o karam o himmat mein
Chaar soo shohrey hain inn chaaron key
Behr e tasleem e ‘Ali maidaan mein
Sar jhuke rehte hain talwaaron key
Kaisey Aaqaaon ka bandah hoon Raza
Bol baale meri Sarkaaron key
Comment