Karte Hain Matam Haram Abbas Ka.
Ho Gaya Marna Sitam Abbas Ka.
Kehte They Kamar Tham Ke Yeh Syed-e-Abrar.
Haye Alamdar Haye Alamdar.
Yeh Haal Hai Lashay Ka Sanbhala Nahi Jata.
Teer Aankh Se Bhai Ki Nikala Nahi Jata.
Imdad Ko Aa Jaiye Ya Haider-e-Karrar.
Zainab Ne Teri Aas Pe Chora Tha Madina.
Main Kaisay Bataon Ossay Saqa-e-Sakina.
Mara Gaya Zaianb Teri Chadar Ka Nigehdar.
Tum Qatal Howay Hum Pe Bhi Chal Jaye Gi Shamsheer.
Agyar Mein Reh Jaye Gi Tanha Meri Hamsheer.
Zainab Ki Rida Bachne Ke Baqi Nahi Aasaar.
Jis Tarha Se Ghar Laye They Masjid Se Ali Ko.
Oss Tarha Se Le Jaein Gaye Khaimay Mein Jarri Ko.
Akbar Mere Bhai Ka Janaza Karo Teyar.
Bazu Bhi Qalam Ho Gaye Aye Bazu-e-Shabir.
Tukray Hain Badan Aankh Mein Paiwast Howa Teer.
Kis Ne Yeh Meri Maa Ki Duaon Pe Kiya Waar.
Aati Hai Sada Loot Lo Namoos-e-Nabi Ko.
Ab Marna Aasaan Hai Hussain Ibn-e-Ali Ko.
Marne Pe Tere Jashn Manatay Hain Sitamgaar.
Akbar Humein Mushkil Se Bohat Laein Hain Bhai.
Maidan Mein Girtay Howay Hum Aaein Hain Bhai.
Aankhein Tu Zara Kholo Mere Monis-o-Ghamkhawar.
Ik Baat Tumhein Karb Ki Batlata Hoon Bhaiyya.
Jab Bhi Koi Masooma Ke Mare Ga Tamacha.
Ro Ro Ke Pukarey Gi Sakina Tumhein Har Baar.
Comment