Fatima zehra, fatima zehra..(2)
ghum e hussain mein kaisa sharaf ye paaya hai
ke apne haatho’n se maine alam sajaya hai
suna hai aati hai majlis mein fatima zehra
ye baat soch ke farsh e azaa bichaya hai
karam ye majlis e shabbir ne kiya warna
kaha’n ghareeb ka ghar, aur kaha’n hussain ki maa..(2)
karam ye majlis e shabbir ne kiya warna
kaha’n ghareeb ka ghar, aur kaha’n hussain ki maa..(2)
1. Khabar hai binte rasool e khuda ke aane ki
badal rahi hai hawaein ghareeb khane ki..(2)
mera naseeb ke mehmaa’n hui meri zehra
kaha’n ghareeb ka ghar…
2. Farishte, shaah, gadagar sabhi hai peshe nazar
hai ambiya ki qatarein lagi mere ghar par..(2)
tumhare aane se bibi ye martaba paaya
kaha’n ghareeb ka ghar…
Ye majlis e shabbir mein behte hue aasu
firdaus ke bagho’n mein saja deti hai zehra
shehzadi zamee’n par ise girne nahi deti
bach jaye to kausar mein mila deti hai zehra
3. Ye nauha khwani ye soz o salam aur matam
hamare ashk hai bibi ke zakhm ka marham..(2)
agar na hote wasila ye matam o nauha
kaha’n ghareeb ka ghar…
4. Ghareeb khane ko jannat bana diya bibi
khushi ye aisi hai jisne rula diya bibi..(2)
har ek ashk ne aankho se girte girte kaha
kaha’n ghareeb ka ghar…
5. Sare hussain jo sheeree ke ghar mein aaya tha
sare hussain ke hamraah aayi thi zehra..(2)
jo dekha bibi ko sheeree ne ye kiya nauha
kaha’n ghareeb ka ghar…
Haye..
Jab kisi ghar mein koi mar jaye… mar jaye
duniya ghum baatne ko aati hai… aati hai
haye kitni ghareeb hai zehra…
pursa lene bhi chal ke aati hai
ya hussain, ya hussain..(2)
Ghar mein mere majlis hui
aur bich gaya farsh e aza
zakir ne jab majlis padhi
aur haal rukhsat ka jo padha
itna roi zehra..(2)
Farhan aur mazhar padha, nauha shahe mazloom ka
tha zikr jab ashoor ka, shabbir par khanjar chala
itna roi zehra..(2)
Dete rahe ehle azaa
ghazi ka pursa, sarwar ka pursa
akbar ka qasim ka asghar ka pursa
itna roi zehra..(2)
Zainab ka kulsum o fizza ka pursa
sajjad bali sakina ka pursa
itna roi zehra..(2)
Baali ka pursa, chadar ka pursa
aun o mohammad ka baqer ka pursa
itna roi zehra..(2)
Naizo pe rakhe har ek sar ka pursa
bibi tumhare har ek ghar ka pursa
itna roi zehra..(2)
Comment