Sog Mai Doobi Saari Fiza Ya Hussain
Ghar Ghar Mai Matam Hai Bapa Ya Hussain
Aya Nazar Jab Mah E Aza, Ro Ro Ke Azadaro Ne Kaha
Ae Chand Muharram Ke Tu Badli Me Chala Ja
Tujhe Dekh Ke Mar Jaye Na Beemar Hai Sughra
Ae Chand Muharram Ke Tu Badli Me Chala Ja
Ghar Zehra Ka Lutnai Ki Khabar Tu Ne Sunai
Tujhe Dekh Ke Roti Hai Muharram Main Khudai
Chauda So Baras Beete Sab Kerte Hain Shikwa
Ae Chand Muharram Ke Tu Badli Me Chala Ja
Milne Ke Liye Bhai Ko Bechain Bari Hai
Kab Se Ali Akber Ki Yeh Rahoon Main Khari Hai
Bichiri Hai Ye Muddat Se Isse Tu Na Nazar Aa
Ae Chand Muharram Ke Tu Badli Me Chala Ja
Bhaiya Ki Judai Main Paraishaan Hai Rehti
Har Roz Yeh Nana Ko Ro Ro Ke Hai Kehti
Akbar Na Mila Nana Me Mar Jaun Gi Tanha
Ae Chand Muharram Ke Tu Badli Me Chala Ja
Wada Jo Kiya Behen Ko Seene Se Lagakar
Mai Shaadi Karoonga To Tere Paas Hi Aakar
Mai Saat Moharram Ko Lautoonga Na Ghabra
Ae Chand Muharram Ke Tu Badli Me Chala Ja
Behno Ko To Bhaiyon Se Rishta Hi Ajab Hai
Tum Bhool Gaye Mujhko Ye Kaisa Ghazab Hai
Iss Aas Pe Zinda Hoon Dekhoon Tera Sehra
Ae Chand Muharram Ke Tu Badli Me Chala Ja
Comment