Ammay Baba Yam Kujaast | Irfan Haider | Nohay 2021

 

Sakina Ki Sada Goonji Ammay Janam Ammay Jan

Mainy Rukhsaron Py Zalim Sy Tamanchay Khaye
Aag Daman Mein Lagi Chin Gaye Durr Bhi Haye

 

Ap Ko Meri Qasam Hai Yeh Batayen Mujh Ko
Aisy Hota Hai Yateemon Sy Sulook Haye

Ammay Baba Yam Kujaast

Dukhtar E Shah E Shaheedan Ny Tarhap Kar Yeh Kaha
Chin Gai Sar Sy Rida Khaimon Mein Kuch Bhi Na Raha
Wawaila Zainab Zainab Wawaila Wawaila
Aisy Aalam Mein Apny Baba Ko Dhundun Main Kahan
Ammay Baba Yam Kujaast

Shiddat E Gham Sy Na Mar Jaun Sar E Dasht E Bala
Har Taraf Lashy Hi Lashy Hain Kahan Jaun Bhala
Wawaila Zainab Zainab Wawaila
Mery Baba Hain Jahan Mujh Ko Bhi Ly Jao Wahan
Ammay Baba Yam Kujaast

Woh Jo Soi Na Kabhi Baba Ky Seeny Ky Siwa
Us Ko Ek Khak Ky Bistar Py Bhi Sony Na Diya
Wawaila Zainab Zainab Wawaila
Tazionon Sy Jagaty Hain Sitamgaar Yahan
Ammay Baba Yam Kujaast

Haye Baba Ny Barhy Nazon Sy Pala Hai Mujhy
Aur Yahan Shimr Ny Durron Sy Bhi Mara Hai Mujhy
Wawaila Zainab Zainab Wawaila
Apny Baba Ko Dikhaun Gi Yeh Zakhmon Ky Nishan
Ammay Baba Yam Kujaast

Mujh Sy Kiun Rooth Gaye Baba Thi Kya Meri Khata
Kaash Ho Jati Main Asghar Ki Tarha Un Py Fida
Wawaila Zainab Zainab Wawaila
Ro Diye Ahl E Haram Sun Ky Yeh Bachi Ka Bayaan
Ammay Baba Yam Kujaast

Aai Jab Giarah Muharram Ki Sahar Waa Ghurbata
Qafila Aal E Muhammad Ka Sooye Shaam Chala
Wawaila Zainab Zainab Wawaila
Aik Shehzadi Thi Ro Ro Ky Jo Karti Thi Fughan
Ammay Baba Yam Kujaast

Aably Paon Mein Thy Aur Galy Mein Thi Rasan
Kitni Lachar Thi Pardais Mein Akbar Ki Bahan
Wawaila Zainab Zainab Wawaila
Qaid Khany Mein Bhi Rehti Thi Yun Hi Noha Kunaan
Ammay Baba Yam Kujaast

 

Haye Sajjad Ny Ay Akhtar O Irfan E Aza
Apni Hamsheer Ko Dafnaty Huye Di Yeh Sada
Wawaila Zainab Zainab Wawaila
Khoon Kaanon Sy Sakina Ky Abhi Tak Hai Rawaan
Ammay Baba Yam Kujaast

Ammay Baba Yam Kujaast

 

Comment

Your email address will not be published. Required fields are marked *