Shahid Hussain Baltistani | Kalam: Bhaiyya Agai Zainab sa | Album: Areeza-e-Darvaish | 2017-18

Haye Ali, Haye Haye Zainab
Haye…
Ghar Say Jab Haider E Safdar Ka Janazah Utha
Sun Kay Hasnain Bhi Rone Lage Zainab Ki Sada,
Baba Mere Baba Main Teri Zainab Hun
Akhiri Bar Kaleje Say Lagao Baba
Baba Main Teri Zainab Hun
Tor K Band E Kafan Mujhko Bulao Baba…
Kiya Gawara Hay Tumhe Sir Say Hataon Chadar
Bolo Kiyun Chup Ho Padar
Mujh Say Baten Kro Yun Mun Na Chupao Baba
Main Bhala Kese Judai Ka Uthaongi Yeh Ghum
Apko Maa Ki Qasam
Dosri Baar Yateemi Say Bachao Baba
Hukm Tha Apka Zainab Say Chupa Kr Rkhna
Kuch Na Is Say Kehna
Ab To Jatey Hue Wo Zakhm Dikhao Baba
Kon Jannat Kay Manga Kr Mujhe Ab Dega Lebas
Eid Bhi Agai Pas
Ab Main Zid Kis Say Krongi Yeh Btao Baba
Tum Ney Amma Ki Shahadat Pey Tasalli Di Thi
Abhi Zinda Hay AliĀ 
Ab Mujhe Kon Sambhalega Btao Baba
Tanha Milne Ky Liye Tum Say Kabhi Aa Na Sky
Qabr Per Jaa Na Skyn
Is Qadr Door To Basti Na Basao Baba
Aap K Baad Bhi Is Tarhan Wafadar Rahen
Sang Baari Na Karen
Kufiyun Say Zara Kehty Hue Jao Baba
Baap Ko Is Ney Takallum Na Di Awaz Kabhi
Sirf Ashoor Ko Di
Main Hun Mushkil May Najaf Chor K Aao Baba
Baba Main Teri Zainab Hun
Akhiri Bar Kaleje Say Lagao Baba
Haye Ali, Haye Haye Zainab

Leave a Reply

Your email address will not be published.

This site uses Akismet to reduce spam. Learn how your comment data is processed.