Rok Leti Hai Apki Nisbat | Muhammad Owais Raza Qadri | 2018

Rok Leti Hai Apki Nisbat | Muhammad Owais Raza Qadri | 2018

Rok Leti Hai Aapki Nisbat,Teer Jitne Bhi Humpe Chalte Hain

Yeh Karam Hai Huzoor Ka Humpar,Aane Waale Azab Tallte Hain.

Woh Hi Bharte Hain Jholiyan Sabki Woh Samajhte Hain Boliyan Sabki

Aao Bazar-E-Mustafa Ko Chalein Gham Khushi Main Wahin Pe Dhalte Hain.

Apni Auqat Sirf Itni Hai Kuch Nahi Baat Sirf Itni Hai

Kal Bhi Tukron Pe Unke Palte They, Ab Bhi Tukron Pe Unke Palte Hain.

Aur Ab Humain Kiya Koi Giray Ga, Har Sahara Gale Lagaye Ga

Humne Khud Ko Gira Diya Hai Wahan, Girne Wale Jahan Sambhalte Hain.

Ghar Wohi Mushkbaar Hote Hain, Khuld Se Humkinaar Hote Hain

Zikr-E-Sarkar Ke Hawalon Se Jin Gharon Main Chirag Jalte Hain.

Zikr-E-Sarkar Ke Ujalon Ki, Be nihaan Hain Rifa’atain Khalid

Yeh Ujale Kabhi Na Simtain Gay,Yeh Woh Suraj Nahi Jo Dhalte Hain.

Rok Leti Hai Aapki Nisbat,Teer Jitne Bhi Humpe Chalte Hain

Yeh Karam Hai Huzoor Ka Humpar,Aane Waale Azab Tallte Hain.

Leave a Reply

Your email address will not be published.

This site uses Akismet to reduce spam. Learn how your comment data is processed.