Aa Merey Pyare Hussain
Aa Meri Goud Ky Paly Mery Hussain Aa
Merey Ghareeb Aa Zara Maan Ky Qareeb Aa
Seena Figaar Hai Tera Mujh Ko Hai Yeh Pta
Dasht E Bala Mein Fatima Zehra Ki Thi Sada
Aa Merey Pyare Hussain
Kis Ny Merey Jigar Py Yeh Khanjar Chal Diya
Kis Ny Merey Hussain Ko Pani Nahi Diya
Khud Chal Ky Kiun Na Aa Gaya Dariya Ko Kya Hua
Ek Bar Maan Pukaar Ky Goudi Mein Lait Ja
Aa Merey Pyare Hussain
Seh Roz Ki Yeh Pyas Yeh Jalti Hui Zameen
Chehra Lahu Lahu Tera Do Neem Hai Jabeen
Mazloom Merey Laal Ky Jaisa Koi Nahi
Teeron Sy Merey Laal Ka Seena Bhara Hua
Aa Mery Pyary Hussain
Pehly To Baba Jan Ko Roi Main Zaar Zaar
Roi Ali Ko Qabr Mein Dil Ho Gaya Figaar
Ek Laal Tha Hasan Mera Us Ki Hun Soagwar
Ab Tery Gham Ny Qabr Mein Rehny Nahi Diya
Aa Mere Pyare Hussain
Aata Hai Yad Mujh Ko Madiney Mein Apna Ghar
Chakki Main Peesti Thi Magar Tum Py Thi Nazar
Tum Ko Sulaya Karti Thi Raton Ko Jaag Kar
Ab Main Jaganey Aai Hun Ay Laal Jaag Ja
Aa Merey Pyare Hussain
Ek Bar Maan Pukar Ly Bilkul Usi Tarah
Jhooly Mein Jhoolty Huye Kehty Thy Jis Tarah
Woh Bachpana Tera Mujhy Bhooly Ga Kis Tarah
Merey Baghair Chain Sy Ek Pal Nahi Raha
Aa Merey Pyare Hussain
Maan Hun Mujhe Bata Tery Seeny Py Kya Hua
Kiun Hai Kamar Jhuki Hui Chehra Lahu Bhara
Abbas Hai Kahan Ali Akbar Kahan Gaya
Han Thak Gaya Hai Aa Meri Goudi Mein Laal Aa
Aa Merey Pyare Hussain
Tarhpy Alam Sy Seena E Sarwar Figaar Haye
Rehan Yeh Qalam Bhi Bahut Ashk Baar Hai
Kaisi Lahu Lahu Bhari Maan Ki Pukaar Hai
Tukrhy Jigar Ky Karti Hai Zehra Ki Yeh Sada
Aa Merey Pyare Hussain
Comment