Nohay 2019 I Hashim Sisters I Hussain Kaisay Bhooljaengay I New Title Noha I Muharram 1441

Hussain Hussain Mola Hussain

Hussain Hussain Aqa Hussain

Nahin bhoolengay Mola Hussain

Nahin bhoolengay Aqa Hussain

Vaada hai yeh Bibi x2

Hussain Hussain Mola Hussain

Hussain Hussain Aqa Hussain

Hussain Tum Ko Bhala, Kaisay Bhool Jaaengay x2

Jahan bhi hongay vahin x2

Farshe gham bichaaengay

Dilo dimaagh o nazar mein basa kay Karbobala

Karengay majlis o matam bicha kay farsh e Aza

Hava ki zad pe charagh e wafa jalaaengay

Koi jo maange to apna, khushi sey sar dengay

Hum apni jaan bhi qurbaan, tum pey kardengay

Jo humney vaada kiya, hai ussey nibhaaengay

Qasam Khuda ki hai jab tak, humaaray dum mein dum

Tarap tarap kay karengay, hum aapka matam

Ye qarz ajre risaalat ka ham chukaaengay

Humesha phoolay phalaygi, yeh taaziadaari

Humein hai jaan sey pyaari bohot azadari

Kabhi Alam tou kabhi, taziya sajaaengay

Watan mein maah e Muharram ka chaand dekhtay hain

Kaleja thaam kay hum gham ka chaand dekhtay hain

Nibhaate aaey hain yeh, rasm hum nibhaaengay

Zamaana laakh sitam par, sitam karein hum par

Hamaara chain o sukoon cheen lay ya maal o zar

Qadam humaarey kabhi bhi na jag magaaengay

Janab e Fatima kay noor, ain ka pursa

Imam e Waqt ko dengay Hussain ka pursa

Tamaam umr yunhi, royengay rulaaengay

Nazar niyaaz tabarruk, na hone dengay kam

Sabeelay yunhi lagaengay yaad e Shah mein hum

Baraaye naam e shohada yunhi lutaaengay

Huye hain zulm jo Aal e Rasool par ASIF

Baghair jurm jo kaatey gaye hain sar ASIF

Hum unki yaad ey HASHIM sada manaaengay

Nahin bhoolengay Mola Hussain

Nahin bhoolengay Aqa Hussain

Ashoor ka manzar

Hussain ka sar

Paamal Qasim

Seena e Akbar

Aun o Mohammad

Baysheer Asghar

Ghazi Ka Parcham

Lakhon Sitamgar

Masoom Sakina

Zainab Ki Chadar

Leave a Reply

Your email address will not be published.

This site uses Akismet to reduce spam. Learn how your comment data is processed.