Nohay 2018 | Zainab س Galay Ko Choom Lai | Mir Hasan 2018 | Nohay 2019 | Ruksatay Mola Hussain ع

Rukhsat ko aaye khaimay mein jab shaah-e-Karbala.
To bint-e-Ali ne jod ke haathon ko di sada.
Zainab galay ko choom le bhayya to jaaiyye (x2).

Zainab galay ko choom le bhayya to jaaiyye.
So jaaye thodi dair Sakina to jaaiyye.
Zainab Galay… So jaaye thodi dair…

Amma kahengi dekh ke chehra lahu bhara.
Zainab ne kya khayaal nahi rakha bhai ka (x2).
Chaadar se saaf kar loon jo chehra to jaaiyye.
So jaaye thodi dair Sakina to jaaiyye.
Zainab galay… So jaaye thodi dair…

Zainab ghareeb ho gayi kuch bhi nahi bacha.
Laashay utha ke Aun-o-Muhammad ke main zara (x2).
Ik baar phir utaar loon sadqa to jaaiyye.
So jaaye thodi dair Sakina to jaaiyye.
Zainab galay… So jaaye thodi dair…

Jaanay na deti barchiyon walon mein main kabhi.
Wo maa hain aur kaneez hoon bhayya main aap ki.
Ran mein bula rahi hain jo Zehra to jaaiyye.
So jaaye thodi dair Sakina to jaaiyye.
Zainab galay… So jaaye thodi dair…

Rokoongi phir na aap ko wada raha mera.
Nazdeek hai yahan se najaf Shaah-e-Karbala (x2).
Aa jaayein mere pass jo Baaba to jaaiyye.
So jaaye thodi dair Sakina to jaaiyye.
Zainab galay… So jaaye thodi dair…

Lagta hai ran mein aap ka karta hai intizaar.
Lehra raha hai haath mein khanjar wo baar baar.
Bhayya badal le shimr iraada to jaaiyye.
So jaaye thodi dair Sakina to jaaiyye.
Zainab galay… So jaaye thodi dair…

Karni hai jang aakhri bhayya behan nisaar.
Khoo’n beh raha hai kaisay chalayaingay Zulfiqaar (x2).
Baazu ka zakhm baandh de behna to jaaiyye.
So jaaye thodi dair Sakina to jaaiyye.
Zainab galay… So jaaye thodi dair…

Zindaa’n mein hum jo qabr-e-Sakina banayaingay.
Kya aap le ke Ghazi ko us waqt aayaingay (x2).
Kar lijiyye behan se ye waada to jaaiyye.
So jaaye thodi dair Sakina to jaaiyye.
Zainab galay… So jaaye thodi dair…

Kaisay bayaa’n ho Mir Takallum wo be kasi.
Ye keh ke bint-e-Fatima khamosh ho gayi.
Waaday mein dair hoti hai acha to jaaiyye.
So jaaye thodi dair Sakina to jaaiyye.

Zainab galay ko choom le bhayya to jaaiyye
So jaaye thodi dair Sakina to jaaiyye.
So jaaye thodi dair Sakina to jaaiyye.

Leave a Reply

Your email address will not be published.

This site uses Akismet to reduce spam. Learn how your comment data is processed.