Noha Shahadat Imam Sajjad ع – Taboot Uth Raha Hai – Mir Hasan Mir Noha 2018-19 – 25 Muharram Noha

Phir Fatima s.a K Ghar Mein Farsh E Aza Bicha Hai
Bimaar E Karbala Ka Taboot Uth Raha Hai
Karb O Bala Ka Zakhmi Yasrab Mein Chal Basa Hai
Zair E Kafan Bhi Uski Ankhon Se Hai Khoon Jari
Yaad Aa Rahi Hai Ghurbat Sajjad a.s Ko Padar Ki
Rozay Se Mustafa s.a.w.w K Elaan Ho Raha Hai
Baqir a.s Se Keh Raha Tha Sadaat Ka Gharana
Pehlu Mein Nana s.a.w.w Jaan K Maiyyat Na Le K Jana
Pehle Bhi Ik Janaza Wapis Aa Chuka Hai
Ab Tu Madinay Walo Tum Ko Sakoon Rahe Ga
Roye Ga Aur Naa Iski Ankhon Se Khoon Bahy Ga
Baba Ko Ronay Wala Khamosh Ho Gya Hai
Maiyyat K Agay Agay Ye Koi Keh Raha Tha
Bazaar Se Na Guzry Sajjad a.s Ka Janaza
Bazaar Ko Yeh Qaidi Roota Howa Gaya Hai
Mara Hai Iss Tarah Se Zalim Ne Zehar De K
Kat Kat K Bahir Aye Iss K Jigar K Tukry
Pehlu Pe Fatima s.a K Phir Ek Zakham Laga Hai
Taboot Se Lipat Kar Kehti Hai Koi Bachi
Zindaan Se Hai Bhaiyya Behan Tumhari
Ankhein Tu Khol Lo Ab Sar Par Mere Rida Hai
AKBAR Jo Lash E Fizza Dafna K Uthy Mola a.s
Ayii Sada E Zainab s.a Baqir a.s Watan Chala Ja
Sajjad a.s Ka Janaza Tiyaar Ho Gya Hai

Leave a Reply

Your email address will not be published.

This site uses Akismet to reduce spam. Learn how your comment data is processed.