MUSLIM AKELA HAI | 9 Zilhaj Noha | Shahadat Muslim bin Aqeel | Mir Hasan Mir Nohay 2020

 

●Mera Muslim Akela Hai

●Hayee Muslim Hayee Muslim

●Kaha Shabbir Ne Ghazi, Wo Dekho Janib e Kufa, Mera Muslim Akela Hai
Na koi Monis o Yawer , Na Koi Pass Hai Beta, Mera Muslim Akela Hai

●Mairay Bhai Ko Charo’n Simt Se Fojo’n Ne Ghera Hai
Hazaron Maarne Wale Hain aur Muslim Akela Hai
Hain Kufi Char Janib, Nahi Hai Koi Bhi Apna, Mera Muslim Akela Hai

●Bari Dushwar Manzil Hai Kabhi Aesa Na Waqt Aye
Watan Se Door Gurbat Mai Koi Aese Na Dukh Payee
Rukayya one wali hai abhi kuch dair mai bewa, Mera Muslim Akela Hai

●Jo Mere Dil Pe Guzri Hai Unhain Batla Nahi Sakta
Tumhari Betiyon Ke Sath Kufa ja Nahi Sakta
Bacha Lein Mere Bhai Ko Najaf Nazdeek Hai Baba, Mera Muslim Akela Hai

●Kate Honton Ka Us Ke Khoon Jab Pani Mai Girta Hai
Gira Ker Jaam Pani Ko Bari Hasrat Se Takta Hai
Na Jane Kitna Zakhmi Hai Na Jane Kab Se Hai Piyasa, Mera Muslim Akela Hai

●Nazar Atay Nahi Abbas Ko Muslim Ke Shehzade
Muhammad aur Ibrahim Us Ke Sath Nikle The
Kahan Per Kho Gaye Dono Na Jane Kia Hua Aesa, Mera Muslim Akela Hai

●Yeh Kal Tak Sath The Us Ke Abhi Sub Hogaye Baagi
Safeer e Ibn e Haider Ki Ajab Gurbat Hai Yeh Ghazi
Koi Ghar Se Nahi Nikla Sada Deti Rahi Zehra, Mera Muslim Akela Hai

●Siwaye ibn e Urwa Ke Koi Aya Nahi Agay
Bachane Ko Nahi Aye Wo Lasha Hee Utha Lete
Kahan Khat Likhne Wale Hai Koi Ab Tak Nahi Aya, Mera Muslim Akela Hai

●Lipat Ker Sheh Ke Qadmon Se Kaha Ghazi Ne Ay Mola
Mujhe Pohancha Dein Kufa to Badal Dun Shehar Na Naqsha
Gareebi Per Mere Bhai Ki Saara Shehar Hai Hasta, Mera Muslim Akela Hai

●Kaha AKBER Ye Ro Ro Ker Shah e Wala Ne Ghazi Se
Wo Dekho Bethi Hain Amma Wahan Daman Ko Pehlaye
Sar e Muslim Ko Seene Se Lagaye Kehti Hain Zehra, Mera Muslim Akela Hai

Comment

Your email address will not be published. Required fields are marked *