Mir Hasan Mir | Shukria Mola Raza (as) Manqabat | 2017

 

Zaamin e ahoo reza..(4)
shukriya maula reza..(4)
Aye ghareeb ul ghuraba, sunle hum sab ki sadaa
humko roze pe bula, apna zawwar banaa
aake chaukhat pe teri, hum gunehgaar karein
shukr ka sajda adaa
shukriya maula reza..(3)
shukriya maula reza..(3)
 
hajj ghareebo ka…
hajj ghareebo ka tere darr pe hua
shukriya maula reza
shukriya maula reza..(3)
 
1. Tang dasti mein bhala kaise safar par jaate
isteta’at hi nahi thi ke wo hajj par jaate
hajj yu mash’had mein…
hajj yu mash’had mein ghareebo’n ne kiya
shukriya maula reza
shukriya maula reza..(3)
 
2. Qasam Allah ki humlog nahi the qaabil
tune zawwaro mein apne kiya humko shaamil
humne bhi dekh liya..
humne bhi dekh liya roza tera
shukriya maula reza
shukriya maula reza..(3)
 
3. Tere bando ka muqaddar hai tera dastarkhwaan
mano salwa ke barabar hai tera dastarkhwaan
dedi duniya mein hi jannat ki ghiza…
shukriya maula reza
shukriya maula reza..(3)
 
4. Jadd ki midhat ka tujhe shauk bada hai maula
shaero par to teri khaas ataa hai maula
leke in’aam ye debal ne kaha
shukriya maula reza
shukriya maula reza..(3)
 
5. Haan samajhta hu tere naam ki azmat mai bhi
husn e yusuf ki laga sakta hu qeemat mai bhi
hai mere paas jo sikka tera…
shukriya maula reza
shukriya maula reza..(3)
 
6. Jab se maine hai padha aap ka farmaan e majeed
aap aur aapke ghar wale hai shart e tauheed
baad e kalma mai hu tabse kehta
shukriya maula reza
shukriya maula reza..(3)
 
7. Haan…
Apne zaaer ko na mehroom rakha tune kafeel
hai tere sehen mein maujood sunehri jo sabeel
zaeqa uska hai..
zaeqa uska hai zamzam jaisa
shukriya maula reza
shukriya maula reza..(3)
 
8. Din nikalne ki khabar ho ke ho dhalne ka payaam
subha uthne ki salami ho ke sone ka payaam
Assalamu alaika ya ghareeb al ghurabaa
dono pehro hai ye naubat ki sadaa…
sadaa….
shukriya maula reza
shukriya maula reza..(3)
 
9. Kar diya sher ko tasweer se zinda jaise
khaak ke zarre se masooma e qum ke sadqe
aapne mir hasan mir kiya
shukriya maula reza
shukriya maula reza..(3)

Comment

Your email address will not be published. Required fields are marked *