MERE BABA (میرے بابا) | Mesum Abbas Nohay 2021 | Noha Bibi Sakina

Haye Haye Haye Sakina sa
Haye Haye Haye Sakina sa
Mere Baba, Main Karu Kya
Khaak Par Neend Nahi Aati Hai-4X
1) Yad.. Yad Aata Hai Mujhe Reh Reh Kar
Aap.. Apka Seena Tha Mera Bistar
Aaj.. Aaj Ye Waqt Para Hai Baba
Khaak.. Khaak Bistar Hai Andhera Chadar
Din Tarap Kar Main Guzaru’n
Rat Matam Mein Guzar Jati Hai
2) Kau’n.. Kau’n Fariyad Sunega Meri
Sath.. Sath Hai Mere Meri Tanhai
Kaan.. Kaan Zakhmi Hai Jigar Zakhmi Hai
Khoo’n.. Khoon Kaano Se Abhi Jaari Hai
Koi Marham Na Dawa Hai
Maut Nazdeek Huyi Jati Hai
3) Shaam.. Shaam Ko Jaake Dar E Zinda’n Par
Roz.. Roz Main Dekhti Hon Ye Manzar
Laut.. Laut Ke Jayein Parinde Jab Ghar
Dil.. Dil Mera Rota Hai Bas Ye Keh Kar
Jaane Kab Main Jaaugi Ghar
Kab Rihayi Ki khabar Aati Hai
4) Haye.. Haye Wo Shaam E Ghariba’n Baba
Bhool.. Bhool Sakti Hi Nahi Ye Dukhiya
Aag.. Aag Khaimo Mein Lagi Jab Baba
Jal.. Jal Gaya Aag Se Daman Mera
Keh Rahi Thi Main Ye Khud Se
Tu Yateemi Ki Saza Paati Hai
5) Neel.. Neel Dekho Mere Rukhsaro’n Ke
Ye.. Ye Tamacho’n Ke Nisha’n Hain Gehre
Main.. Main Jo Roti Hon Tumhare Ghum Mein
Maar.. Maarta Hai Mujhe Zalim Aake
Jism Qaidi Rooh Qaidi
Ye Aseeri Mujhe Tarpati Hai
6) Jaan.. Jaan De Doongi Yahi’n Ro Ro Kar
Maut.. Maut Jeene Se Yahan Hai Behtar
Aap.. Aap Talqeen Parhana Meri
Ek.. Ek Ahsaan Ye Karna Mujh Par
Chain Se Main Mar Sakugi
Ek Yahi Aas Nazar Aati Hai
7) Bain.. Bain Jo MAZHAR O MESUM Ne Parhe
They.. They Yahi BALI SAKINA Ne Kahe
Sath.. Sath Gar Aap Hamare Hote
Hai.. Hai Yaqee’n Thaam Ke Dil Ro Dete
Kya Jaha’n Mein Koi Ummat
Yu’n Yateemo’n Pe Sitam Dhaati Hai
Mere Baba, Main Karu Kya
Khaak Par Neend Nahi Aati Hai

Leave a Reply

Your email address will not be published.

This site uses Akismet to reduce spam. Learn how your comment data is processed.