Farhan Ali Waris | Sakina Jan | Farsi | 2021 | سکینہ جان | اردو – فارسی | پاکستانی

Sakina Jan Baba Qurban
Qafila Lut Gaya Barsare Karbala
Mujh Ko Mara Gaya Tujh Ko Pyasa Rakha
Naizy Py Ham Chaly Tu Chali Khak Py
Paon Tery Jaly Ham Tarhapty Rahy

Sakina Meri Bachi Ay Baba Ki Jaan
Tujh Sy Beti Juda Main Hua Tha Kahan
Tu Thi Jahan Main Tha Wahan
Meri Bachi Baba Qurbaan
Meri Bachi Baba Qurbaan
Meri Bachi Baba Qurbaan
Rona Na Yun Main Sath Hun

Shah E Mazloom Kehty Thy Sakina Sy Ay Bibi
Hamari Aur Tumhari Dastaan Hai Aik Jaisi

Jan Sakina Jan Sakina Jan Sakina Jan Baba Qurbaan

Teri Meri Museebat Hai Sakina Aik Hi Jaisi
Churi Gardan Py Mery Thi Teri Gardan Py Hai Rassi
Main Naizy Par Chala Hun Aur Tu Kaanton Py Ay Bibi
Mery Sar Sy Lahoo Jari Tery Kaanon Sy Khoon Jari
Tamanchy Tery Chehry Par Lagaye Ja Rahy Hain
Yahan Naizey Py Ham Pathar Hi Khaye Ja Rahy Hain

Jan Sakina Jan Sakina Jan Sakina Jan Baba Qurban

Laeen Ny Khainch Kar Cheeni Jo Tujh Sy Baalian Teri
Hua Kaanon Sy Khoon Jaari Sada Ammun Ko Tu Ny Di
Teri Ghurbat Mery Jaisi Meri Halat Tery Jaisi
Angoothi K Liye Kaati Sitam Gar Ny Meri Ungli
Yahan Beti Tujhy Naakon Sy Girwaya Gaya Hai
Mery Lashy Py Wahan Ghorhon Ko Dorhaya Gaya Hai

Jan Sakina Jan Sakina Jan Sakina Jan Baba Qurban

Tu Chadar Ko Tarasti Thi Kafan Ko Main Tarasta Tha
Teri Chadar Bani Matti Bani Matti Kafan Mera
Sinaan Sy Tery Naakon Ka Barha Tha Faasla Dukhiya
Tu Baba Ko Bulati Thi Bulaty Thy Tujhy Baba
Aziyat Ka Safar Tha Dasht Sy Koofy Ky Dar Tak
Tarhapty Baap Beti Aa Gaye Shereen Ky Ghar Tak

Jan Sakina Jan Sakina Jan Sakina Jan Baba Qurban

Sitam Tujh Par Bhi Dhaty Hain Sitam Mujh Par Bhi Dhaty Hain
Yateema Tujh Ko Kehty Hain Mujhy Baaghi Bulaty Hain
Sinaan Ky Pas Sy Zaalim Jo Naaky Ly Ky Jaty Hain
Tujhy Bhi Aazmaty Hain Mujh Bhi Aazmaty Hain
Bahut Nazdeek Ho Kar Bhi Ajab Si Doorian Hain
Barhi Majboorian Hain Yeh Barhi Majboorian Hain

Jan Sakina Jan Sakina Jan Sakina Jan Baba Qurban

Tamanchy Tu Ny Khaye Hain Hain Pathar Khaye Mainy Bhi
Tery Rukhsar Hain Neely Mera Chehra Hua Zakhmi
Kai Din Ka Hun Main Pyasa Kai Din Ki Hai Tu Pyasi
Gala Hai Khushk Tera Bhi Ragen Meri Bhi Hain Sookhi
Hamary Dard Ko Samjhy Koi Ay Kash Bibi
Main Lasha Ho Ky Zinda Hun Tu Zinda Lash Bibi

Jan Sakina Jan Sakina Jan Sakina Jan Baba Qurban

Aseer E Zulm Hai Tu Bhi Aseer E Zulm Hun Main Bhi
Main Hun Tanha Sar E Maqtal Tu Hai Zindaan Mein Qaidi
Yahan Zindaan Ki Garmi Wahan Maidan Ki Garmi
Yahan Soi Nahi Tu Bhi Wahan Soya Nahi Main Bhi
Kabhi Tu Chain Sy Seeny Py So Jati Thi Mery
Mera Sar Aaj Hai Ay Ladli Seeny Py Tery

Jan Sakina Jan Sakina Jan Sakina Jan Baba Qurban

Gaye Farhan Aur Mazhar Yeh Manzar Shaam Mein Dekha
Kahan Beti Ki Turbat Hai Kahan Baba Ka Hai Roza
Har Ek Zaayer Laraz Jaye Agar Yeh Soch Ly Jumla
Keh Shaam O Karbala Ky Darmian Hai Faasla Kitna
Sakina Aur Baba Mein Judai Aaj Bhi Hai
Lab E Shabbir Py Logo Duhaai Aj Bhi Hai

Jan Sakina Jan Sakina Jan Sakina Jan Baba Qurban

Comment

Your email address will not be published. Required fields are marked *