Farhan Ali Waris | Bhai Hussain Kia Yeh | 2017

Haye…..
Lash Par Mazloom Bhai Ki Jub Aaiye Thi Bahan
Aankh Se Aansu Rawa The, Aur Tha Lab Par Sukhan
Ya HUSAIN (ASWS) ….4
Teeron Se Jika Sara Badan Pash Pash Hai…..2
Bhai HUSAIN (ASWS) Kya Yeh Tumhari Hi Lash Hai…..2
Amma Ne Jee Te Jee Jishe Rone Nahi Diya
Ranj O Alam Koi Bhi Uthane Nahi Diya
Had Hai Ke Dhoop Mein Bhi Nikal Ne Nahi Diya
Amma Ne Jis Ko Kata Bhi Chub Ne Nahi Diya
Teeron Se Jika Sara Badan Pash Pash Hai…..2
Bhai HUSAIN (ASWS) Kya Yeh Tumhari Hi Lash Hai…..2
Tan Par Jo Ek Libas Tha Woh Tar Tar Hai
Zakhmon Se Jism Hi Nahi Dil Bhi Figar Hai
Har Teer Tere Jism Ka Khud Sogh War Hai
Is Lash Par Gareeb Bahan Ki Pukar Hai
Teeron Se Jika Sara Badan Pash Pash Hai…..2
Bhai HUSAIN (ASWS) Kya Yeh Tumhari Hi Lash Hai…..2
Qurban Teri Lash Par Aaiye Jaan E SAIYADA (SAWS)
Afsos Teri Lash Par Sar Bhi Nahi Raha
Yeh Hal Tera Dekh Ke Karti Hun Mai Buka
Behti Hai Meri Aankh Se Ashkon Ki Alkama
Teeron Se Jika Sara Badan Pash Pash Hai…..2
Bhai HUSAIN (ASWS) Kya Yeh Tumhari Hi Lash Hai…..2
ABBAS (ASWS) Ko Bulaun Ya AKBAR (ASWS) Ko Du Sada
Tum Ne Uthaya Dasht Mein Lasha Har Ek Ka
Lasha Uthaun Main Tera Mazloom E Karbala
Lekin Gareeb  E Nainawa Mujhko Yeh Tu Bata
Teeron Se Jika Sara Badan Pash Pash Hai…..2
Bhai HUSAIN (ASWS) Kya Yeh Tumhari Hi Lash Hai…..2
Pala Tha Maan Ke Kya Tumhe Is Din Ke Waste
Makhtal Ki Garm Ret Par Tadponge Pyas Se
Be Rehm Log Le Gaye Sar Tan Se Kaat Ke
Phehchanu Kaise Lash Ko Tu Hi Bata Mujhe
Teeron Se Jika Sara Badan Pash Pash Hai…..2
Bhai HUSAIN (ASWS) Kya Yeh Tumhari Hi Lash Hai…..2
Farhan O Mazhar Abedi Kaise Kare Baiyan
Karbobal Ke Dasht Mein Lashon Ke Darmiyan
Is Be Kasi Pa Ro Padhi, Makhdooma E Jahan
Ki Lasha E HUSAIN (ASWS) Pe ZAINAB (SAWS) Ne Jub Fugan
Teeron Se Jika Sara Badan Pash Pash Hai…..2
Bhai HUSAIN (ASWS) Kya Yeh Tumhari Hi Lash Hai…..2

Leave a Reply

Your email address will not be published.

This site uses Akismet to reduce spam. Learn how your comment data is processed.