Farhan Ali Waris | Beti To Rehmat Hai | Manqabat |2019

Farhan Ali Waris | Beti To Rehmat Hai | Manqabat |2019

 beti to rehmat hai (4)
1) rabb e Akbar ki hai maqsoos inaayat beti
Beta maa baap ko neymat hai to rehmat beti
Raat din karti hai maa baap ki Qidmat beti
Dil e weeraa’n ko banaadeti hai jannat beti
Gulshan e zeest ki har shaak phalii beti se
Nasl e paigambar e islaam chali beti se
beti to rehmat hai (4)
2) beta maa baap ki daulat hai amaanat beti
Beta hai ghar ka charaag aur hai azmat beti
Beta maa baap ki dunya hai to jannat beti
Beta maa baap ki taaqat hai to raahat beti
Aabru kunbey ki beti ki hayaa hotii hai
Beti maa baap ke zaqmo ko dawaa hotii hai
beti to rehmat hai (4)
3) eak mazdoor ki azmat ka qazaana beti
Ghumzadaa baap ke hasney ka bahaana beti
Baap ki toot’ti saanso ka maseeha beti
Baap ke hoto ka maqsoos taraana beti
Baap ney jaisey hii ek beti ka chehraa dekha
Yu lagaa jaisey kisii pyaasey ney Daryaa dekha
beti to rehmat hai (4)
4) ye sataayii gayi apney kabhi beygaano se
Aabru apni bachaati rahi shaitaano se
Muskuraakar ye guzarjaati hai toofaano se
Khelti rehtii hai ye apney hi armaano se
Zulm seh sehkey bhi har ek ko dua deytii hai
Ashq peeleytii hai har ghum ko chupaa leytii hai
beti to rehmat hai (4)
5) ghar ki izzat ki nigehbaan hai Seerat iski
Dekh anmol nageena hai mohabbat iski
Noor aankho ka badhaa deti hai soorat iski
Har kadey waqt mey padtii hai zaroorat iski
Ghar mey raunaq hi nahi hoti siwaa beti ke
Maa ka badlaa hi nahi koi siwaa beti ke
6) haaye Shabbir judaa hogaye beti se raza
Kya likhu shaam e gareeba ka ajab manzar tha
Haal par beti ke padhtii thi udaasii nauha
Aur maqtal mey tadaptaa tha padar ka laasha
Kisii zaakir se na shaayar na walii se poocho
Pyaar beti ka Husain ibne ali se poocho
beti to rehmat hai (4)

Leave a Reply

Your email address will not be published.

This site uses Akismet to reduce spam. Learn how your comment data is processed.