Bus Thori Daiyr Aur | Hashim Sisters | New Noha 2021| Nohay 2021 | Bibi Sakina Noha | Muharram 1443

Jab Ho Chuky Shaheed Shahenshah E Karbala
Nanahi Si Ek Yateema Ka Kurta Bhi Jal Gya
Bachi Ko Yad Baba Ki Jis Dam Rula Gai
Baba Pukarty Huye Maqtal Mein Aa Gai

Awaz Di Sakina Ko Mola Hussain Ny
Ilaiya Ilaiya Sakina Sakina
Yeh Baba Sy Ro Kar Pukari Hazeena

 

Seeny Py Sona Chahti Hun Main Baba
Bas Thori Dair Aur

Kuch Aaj Zyada Thak Si Gai Hun Main Baba
Seeny Py Sona Chahti Hun Main Baba
Bas Thori Dair Aur

Yeh Sham E Ghareeban Hai Baba Ek Zulm Ka Toofan Hai Baba
Wehshat Ka Samaan Hai Baba Wehshat Ka Samaan Hai Baba
Jangal Ky Andhairey Mein Sehmi Hun Main Baba
Seeny Py Sona Chahti Hun Main Baba
Bas Thori Dair Aur

Kiun Zalim Mujh Ko Sataty Hain Kiun Maar Ky Mujh Ko Rulaty Hain
Daman Mein Aag Lagaty Hain Daman Mein Aag Lagaty Hain
Ab Aap Ky Pas Aa Ky Chupi Hun Main Baba
Seeny Py Sona Chahti Hun Main Baba
Bas Thori Dair Aur

Aghosh Mein Sab Ki Rehti Thi Ammun Ky Saye Mein Palti Thi
Paidal Bhi Kahan Main Chalti Thi Paidal Bhi Kahan Main Chalti Thi
Haye Dorh Ky Kitna Aaj Chali Hun Main Baba
Seeny Py Sona Chahti Hun Main Baba
Bas Thori Dair Aur

Mujh Ko Nahi Apni Pyas Ka Gham Tarhpata Hai Khali Aik Alam
Asghar Ko Lagaya Teer E Sitam Asghar Ko Lagaya Teer E Sitam
Bhaiya Ko Apni Dhund Rahi Hun Main Baba
Seeny Py Sona Chahti Hun Main Baba
Bas Thori Dair Aur

Baba Chadar Bhi Cheeni Gai Roti Hain Amman Aur Phuphi
Ab Apna Nahi Moonis Koi Ab Apna Nahi Moonis Koi
Dekho Kitni Aafat Mein Parhi Hun Main Baba
Seeny Py Sona Chahti Hun Main Baba
Bas Thori Dair Aur

Bhai Hain Kab Sy Ghash Mein Parhy Ab Kon Hai Sab Ky Hain Lashy
Phir Shimr Kahin Na Aa Jaye Phir Shimr Kahin Na Aa Jaye
Yeh Soch Ky Har Dam Darti Hun Main Baba
Seeny Py Sona Chahti Hun Main Baba
Bas Thori Dair Aur

Ay Baba Zara Ankhen Kholo Main Kab Sy Bulati Hun Bolo
Sath Apni Sakina Ky So Lo Sath Apni Sakina Ky So Lo
Phir Kaisy Milo Gy Soch Rahi Hun Main Baba
Seeny Py Sona Chahti Hun Main Baba
Bas Thori Dair Aur

 

Yeh Hashmi Behnon Ki Hai Sada Jari Rahy Yun Hi Rasm E Aza
Us Ko Hai Nigaar Apna Pursa Us Ko Hai Nigaar Apna Pursa
Jo Kehti Rahi Naazon Ki Pali Hun Main Baba
Seeny Py Sona Chahti Hun Main Baba
Bas Thori Dair Aur

 

Comment

Your email address will not be published. Required fields are marked *