Baba Tera Madina Kesa Badal Gaya Hai | Ali Hamza | New Noha Bibi Fatima | Ayam e Fatima | 1442/2021

Haye Sayyeda Haye Tahira

Apni Museebaton Ka Noha Suna Rahi Hai
Yeh Qabr E Fatima Sy Awaz Aa Rahi Hai

Baba Tera Madina Kaisa Badal Gaya Hai

Main Tujh Ko Ro Rahi Hun
Woh Mujh Py Hans Raha Hai

Baba Tera Madina Kesa Badal Gaya Hai

Zahra Py Yeh Musalman Kya Zulm Dha Rahy Hain
Kaaby Sy Jo Hai Afzal Woh Ghar Jala Rahy Hain
Yeh Karbala Sy Pehly Aghaz E Karbala Hai
Baba Tera Madina Kaisa Badal Gaya Hai

Karty Hain Sab Farishty Sajda Yahan Py Aa Kar
Rehty Hain Anbiya Bhi Is Darr Py Sar Jhuka Kar
Baba Namaziyon Ko Kya Yeh Nahi Pata Hai
Baba Tera Madina Kaisa Badal Gaya Hai

Kya Baap Ky Bhi Badly Lety Hain Betion Sy
Rista Hai Khoon Tumhara Zahra Ki Paslion Se
Pehloo Py Dar Gira Ky Bey Rehm Chal Diya Hai
Baba Tera Madina Kaisa Badal Gaya Hai

Tum Mein Sy Koi Zinda Baqi Nahi Bachy Ga
Bahir Ali Ko Bhaijo Warna Yeh Ghar Jaly Ga
Binte Nabi Ky Dar Py Yeh Shor Ho Raha Hai
Baba Tera Madina Kaisa Badal Gaya Hai

Gir Gir Ky Uth Rahi Thi Uth Uth Ky Gir Rahi Thi
Masjid Sy Apny Ghar Tak Main Kis Tarah Sy Pahunchi
Lagta Tha Jaisy Baba Sadiyon Ka Faasla Hai
Baba Tera Madina Kaisa Badal Gaya Hai

Maan Bety Ro Rahy Hain Hujry Mein Munh Chupa Ky
Ek Doosry Sy Dono Nazren Nahi Milaty
Jab Sy Hasan Ky Aagy Durrah Mujhy Laga Hai
Baba Tera Madina Kaisa Badal Gaya Hai

Tarhpati Hai Takallum Yeh Bat Mustafa Ko
Jhutla Diya Jahan Ny Siddeeqa Tahira Ko
Yeh Zakhm Fatima Ka Ab Tak Nahi Bhara Hai
Baba Tera Madina Kaisa Badal Gaya Hai

Baba Tera Madina Kaisa Badal Gaya Hai
Main Tujh Ko Ro Rahi Hun Woh Mujh Py Hans Raha Hai

Baba Tera madina Kaisa Badal Gaya Hai

Leave a Reply

Your email address will not be published.

This site uses Akismet to reduce spam. Learn how your comment data is processed.