Abbas Tera Haq Hai Zamana Tujhe Roye.
Jab Sham-o-Sahar Fatima Zahra(SA) Tujhe Roye.
Dura Liye Pehre Pe Sitmagar Khara Hai.
Kaise Tere Lashay Pe Sakina(SA) Tujhe Roye.
Jis Waqt Uthaya Na Giya Lasha Jawan Ka.
Sheh us Ghari Akbar(AS) se Zyda Tujhe Roye.
Zainab(SA) Ne Kaha Sham-e-Ghareeban Mein Hai Ghazi(AS).
Be-Parda Mujhe Dekh Ke Baba Tujhe Roye.
Sajday Ke Liye Jab Liya Hathon Ka Sahara.
Tu Sajjad(AS) Musalay Pe Hamesha Tujhe Roye.
Bin Hathon Ke Kis Tarha Tu Ghoray Se Gira Tha.
Yeh Sun Ke Bohat Ahl-e-Madina Tujhe Roye.
Mashkeeza Kahin Jism Kahin Hath Kahin Hai.
Ja Ja Ke Kahan Fatima Zahra(SA) Tujhe Roye.
Arman Sakina(SA) Ka Tha Jitna Tujhe Roti.
Sajjad(AS) Teri Qabar Pe Utna Tujhe Roye.
Hashim Ke Qamar Kyun Na Tera Chahne Wala.
Washams Ka Parhte Howay Sorah Tujhe Roye.
Hasrat Hai Keh Ghazi(AS) Ho Laho Aankh Se Jari.
Yeh (MIR TAKALLUM) Kabhi Aisa Tujhe Roye.
Comment